Бишкек, 31.12.21. /Кабар/. Базар-Коргондо жаңы жылдык балаты өрттөндү, - деп билдирет Өзгөчө кырдаалдар министрлигинин басма сөз кызматы.
Маалыматка ылайык, 31-декабрда, таңкы саат 05:44тө Базар-Коргон шаарында жаңы жылга карата орнотулган балаты өрттөнүп жатат деген маалымат келип түшкөн.
Жерине бир өрт өчүрүүчү бөлүм тартылып, күйгөн балаты 05:49да чектөөгө алынып, өрт толугу менен саат 05:52де өчүрүлдү.
"Майрамга карата кооздолуп жасалган балатынын 30 пайызы күйгөндүгү аныкталып, учурда калыбына келтирүү иштери жүрүүдө", - деп айтылат ведомствонун билдирүүсүндө.
Пикир
Оставить комментарий