Бишкек, 09.08.19. /Кабар/. Кой-Таш айылында агрессивдүү адамдар унаалардын терезелерин сындырып, Беш-Күңгөйдүн милиция бөлүмүн өрттөп салган. Бул тууралуу Чүй облустук милиция башкармалыгынын басма сөз кызматынан кабарлашты.
Кечээ, 8-август күнү милиция кызматкерлери Аламүдүн районунун Кой-Таш айылында коомдук тартипти камсыз кылышкан.
Бирок, ага карабастан агрессивдүү топ, коомдук тартипти бузуу менен айылда токтоп турган унааларды талкалап, Беш-Күңгөй айылынын айылдык милиция бөлүмүн өрттөгөн.
Учурда келтирилген чыгым такталууда. Жеринде Аламүдүн районунун ыкчам-тергөө тобу иш алып барууда.
Азыр да коомдук тартипти жана коопсуздукту сактоо максатында укук коргоо органдары иш алып барууда. Жеринде калкка түшүндүрүү иштери жүргүзүлүүдө.
Пикир
Оставить комментарий