Бишкек, 26.08.22. /Кабар/. Бишкек — Балыкчы жүргүнчү поезди сентябрда токтойт. Бул тууралуу «Кыргыз темир жолу» УК» мамлекеттик ишканасынан билдиришти.
Маалыматка ылайык, Бишкек-2 – Балыкчы багытындагы № 608/609 республика ичиндеги жүргүнчүлөрдү ташуучу поезддин каттамы үстүбүздөгү жылдын 1-сентябрынан баштап токтойт.
Ишканадан белгилешкендей, Бишкек – Балыкчы жүргүнчү поезди жыл сайын жайкы туристтик мезгилде жүрөт, тагыраак айтканда, каттам июнь айынан 31-августка чейин иштейт.
Аталган каттам 2023-жылдын жай мезгилинде кайрадан жанданат.
Пикир
Оставить комментарий