Бишкек, 12.05.24. /Кабар/. Бишкек – Ош унаа жолунда таш кулап, унаа кыймылына чектөө киргизилди. Бул тууралуу ИИМдин Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, бүгүн болжол менен саат 17:40 чамасында Бишкек – Ош унаа жолунун 410-чакырымында жолго чоң таштар кулап, жолду жаап калгандыгына байланыштуу жолдун Кара-Көл шаарындагы Туннел постунан тартып, Таш-Көмүр шаарчасына чейинки аралыгында (447-495-чакырымдар) унаалар убактылуу токтоп турат.
Азыркы учурда унаа кыймылына чектөөлөр киргизилип, жол кыймылынын коопсуздугун камсыздоо жана Транспорт министрлигинин кызматкерлери тарабынан жолдорду тазалоо иштери жүргүзүлүүдө.
Жолдор ачылганда кошумча маалымат берилет.
Пикир
Оставить комментарий