Бишкек, 14.04.22. /Кабар/. Бишкекке иш сапары менен Өзбекстандын премьер-министринин орун басары — инвестиция жана тышкы соода министри Сардор Усурзаков келди. Бул тууралуу КР Экономика жана коммерция министринин басма сөз кызматы билдирет.
Маалыматка ылайык, аны “Манас” аэропортунан экономика министри Данияр Амангелдиев жана Өзбек-кыргыз өнүктүрүү фондунун төрагасы Азиз Аалиев тосуп алышты.
Бүгүн “Ала-Арча” мамлекеттик резиденциясында КР министрлер кабинетинин төрагасы Акылбек Жапаров менен Өзбекстандын премьер-министринин орун басары — инвестиция жана тышкы соода министри Сардор Усурзаковдун жолугушуусу өтөт.
Ошондой эле Өзбек-кыргыз өнүктүрүү фондунун расмий ачылышы өтөт.
Маалымат үчүн: Фонд боюнча келишимге президент Садыр Жапаровдун 2021-жылдын мартында Өзбекстанга жасаган мамлекеттик сапарынын алкагында кол коюлган. Фонддун баштапкы капиталы 50 млн АКШ долларын түзөт.
Пикир
Оставить комментарий