Бишкекте 2 троллейбустук каттамдын кыймылы өзгөртүлүп, бир линия жабылды

Бишкек, 27.08.24. /Кабар/. Бишкекте бир катар коомдук транспорттун кыймыл чиймесине өзгөртүүлөр киргизилди.

Мэриядан билдиришкендей, бүгүндөн тарта №8 троллейбустук каттам кыймылын жарым-жартылай өзгөртүү менен ишин жандантты. №8 троллейбус Ак-Өргө конушунан Мамлекеттик циркке чейин каттайт.

Ошондой эле №4 автобустук каттамдын акыркы аялдамасы Келечек жаңы конушуна чейин узартылды. Маршруттун калган бөлүгү өзгөрүүсүз калтырылды.

Ал эми оңдоо иштерине байланыштуу №7 троллейбустук каттам убактылуу жабылат.

Мындан тышкары, маршруттук тармакты оптималдаштыруу максатында №222 автобустук каттамдын кыймыл схемасы жарым-жартылай өзгөртүлдү.