Бишкек, 09.01.24. /Кабар/. Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинде административдик-аймактык реформанынын алкагында семинар-тренингдерди өткөрүү боюнча жыйын өттү. Бул тууралуу аталган агенттиктен билдиришти.
Жыйынга мамлекеттик агенттиктин директору Кудайберген Базарбаев, президенттин администрациясынын, агенттиктин кызматкерлери жана жогорку окуу жайлардын жетекчилери катышты.
Иш-чаранын жүрүшүндө жергиликтүү мамлекеттик администрация башчылары үчүн пилоттук режимдеги административдик-аймактык реформаны жүргүзүү боюнча семинар-тренингдерди уюштуруу, өткөрүү тууралуу маселелер талкууланды.
Кошумчалай кетсек, жакынкы күндөрдө агенттик КР президентине караштуу башкаруу академиясы менен биргеликте акимдерди реформанын жүрүшүндө иш алып баруулары боюнча окутуудан өткөрөт.
Пикир
Оставить комментарий