Бишкек, 26.05.22. /Кабар/. Бишкекте айрым троллейбус каттамдары түшкө чейин жүрбөйт. Бул тууралуу Бишкек мэриясынын басма сөз кызматы билдирет.
Маалыматка ылайык, Евразия экономикалык биримдигинин өкүлдөрүнүн келишине байланыштуу саат 09:30дан 11:30га чейин Бишкектин Манас-Чыңгыз Айтматов проспектиси убактылуу жабылат.
“Жолдун убактылуу жабылышына байланыштуу Жол кыймылынын коопсуздугун камсыздоо башкы башкармалыгынын буйругу менен №5, 6, 11, 14 троллейбустук каттамдар убактылуу акыркы аялдамада болот”, - деп айтылат билдирүүдө.
Бишкек мэриясы келтирилген ыңгайсыздык үчүн кечирим сурайт.
Пикир
Оставить комментарий