• 89.43
  • 97.22
  • 0.97

Бишкекте алдыңкы бүтүрүүчүлөргө өзгөчө үлгүдөгү аттестаттар тапшырылды

Коом 0

Бишкек, 24.06.23. /Кабар/. А.Малдыбаев атындагы Кыргыз улуттук академиялык опера жана балет театрында Бишкектеги билим берүү уюмдарынын 11-классынын бүтүрүүчүлөрүнө өзгөчө үлгүдөгү аттестаттар тапшырылды. Бул тууралуу мэриядан билдиришти.

Маалыматка ылайык, мэр Эмилбек Абдыкадыров эң мыкты бүтүрүүчүлөргө өзгөчө үлгүдөгү аттестаттарды, ал эми билим берүү уюмдарынын жетекчилерине муниципалитеттин ыраазычылык каттарн тапшырды.

Артыкчылык менен аттестат алуу укугун тастыктаган окуучулар үчүн шаардык бүтүрүү кечесин өткөрүү салтка айланган. Билим берүү департаменти тарабынан өткөрүлгөн майрамдын коноктору муниципалдык мектептердин 55 бүтүрүүчүсү жана мектеп жетекчилери болду.

"Алтын тамга" ээлеринин арасында шаардык, республикалык олимпиадалардын жеңүүчүлөрү, шаардык, республикалык сынактардын байге ээлери жана лауреаттары бар.

Сыйлоо аземинен кийин бүтүрүүчүлөр жана мугалимдер үчүн майрамдык концерттик программа тартууланды.

Белгилей кетсек, "Алтын тамганы" республика боюнча 167 окуучу кабыл алса, анын 55и Бишкек шаарындагы муниципалдык мектептердин окуучулары (33%).

Пикир

Оставить комментарий