Бишкекте дайынсыз жоголгон 9 жаштагы кыз изделүүдө

Бишкек, 02.11.20. /Кабар/. Бишкекте дайынсыз жоголгон 9 жаштагы Аяна Эмилбекова изделүүдө.

Ленин райондук ички иштер башкармалыгынан билдиришкендей, 31-октябрда Ж.У. аттуу шаар тургуну 9 жаштагы кызын издешүүгө жардам сурап кайрылган.

Аяна Эмилбекова ошол эле күнү саат 15:00дөр чамасында Абдраев көчөсүндөгү үйүнөн чыккан бойдон кайтып келген эмес.

Белгилери: бою 120-130 см, орто дене түзүлүштө, чачы кара, көзү күрөң түстө.

Аяна Эмилбековада кызгылт түстөгү шым, кызгылт чыптама жана спорттук бут кийимде болгон.

"Эмилбекованын кайда жүргөндүгү тууралуу маалыматыңыздар болсо 0 (312) 352-605, 0 (553) 102-456, 0 (703) 401-600, 0 (553) 102-880, 0 (551) 102-326 номерлерине жана "102" кызматына кайрылууңуздарды суранабыз", - деп айтылат маалыматта.