Бишкек, 14.04.22. /Кабар/. Бүгүн, 14-апрелде, Бишкектеги “Ала-Тоо” аянтында Саламаттык сактоо министрлигинин Ооруларды алдын алуу жана мамлекеттик санитардык-эпидемиологиялык көзөмөлдөө департаментине “Нива” үлгүсүндөгү жаңы автоунааларды өткөрүп берүү аземи болду.
Саламаттык сактоо министрлигинен билдиришкендей, унаалар Дүйнөлүк банктын каржылоосунда сатып алынды.
Долбоордун максаты — Кыргызстандагы COVID-19 пандемиясына даярдык көрүү жана ага жооп кайтаруу жаатында Кыргызстандын күч аракетин колдоо болуп саналат.
Автоунаалар Саламаттык сактоо министрлигинин карамагына берилип, райондук борборлорго жана мамлекеттик санитардык-эпидемиологиялык көзөмөл бөлүмдөрүнө жеткирип берилет.
“Ооруларды алдын алуу жана мамлекеттик санитардык-эпидемиологиялык көзөмөл борборлорунун көп объектилери облустук борборлордон бир кыйла алыста жайгашкан. Жогорку үлгүдөгү “Нива” унаалары дары-дармектерди жеткирүү жана ПЧР изилдөөлөрү үчүн биоматериалдарды ташуу үчүн да колдонулат”, - деп айтылат маалыматта.
Эске салсак, 2020-жылы дагы Country Serviсe долбоору үчүн “Нива” үлгүсүндөгү 19 унаа сатып алынган.
Пикир
Оставить комментарий