Бишкек, 19.05.23. /Кабар/. Бишкектеги Ош базарынын аймагынан дары-дармектерди мыйзамсыз сатуу пункттары аныкталды. Бул тууралуу Ички иштер министрлигинен билдиришти.
Маалыматка ылайык, 17-майда ИИМ кызматкерлери Дары каражаттары жана медициналык буюмдар департаментинин кызматкерлери менен биргеликте Ош базарында жана "Берекет Универсал" соода комплексинин аймагында текшерүү жүргүзүп, мыйзамсыз дары-дармектерди жана тыюу салынган дары каражаттарды сатуу фактысын аныктады.
Мындан тышкары, дары-дармектерди сатуучулар милиция кызматкерлер каршылык көрсөтүп, соода түйүндөрүн жабууга аракет кылышкан. Коркутуп-үркүтүп, бир нече жолу уруп, ал эми сатуучулардын бири милиция кызматкеринин колун тиштеп алган.
Дары-дармектерди сатуучулардын арасындагы каршылык көрсөткөндүгүнүн себеби - жашы жете электерге жана баңгиликтен жапа чеккендерге күчтүү жана психотроптук дарыларды сатуунун издерин жашыруу болуп аныкталды.
Каршылык көрсөтүү учурунда бир милиция кызматкери жабыркап, ага Бишкек шаарынын медициналык тез жардам клиникалык ооруканасында медициналык жардам көрсөтүлгөн.
Бул факт кызматтык милдетин аткарып жаткандарга кол салуу катары Ленин райондук ички иштер башкармалыгынын Маалыматталды каттоо журналына юридикалык баа берүү үчүн катталды.
Андан аркы иш-чаралардын жүрүшүндө ээсиз коробкалар жана дары-дармектер жана медициналык буюмдар салынган баштыктар аныкталды, анда БМЖКККнын кызматкерлери жана Департамент тарабынан “ээсиз дары-дармектерди жана медициналык каражаттарыды алуу жөнүндө” акт түзүлүп алынды.
Рейддин жүрүшүндө кара желим баштыкты контейнердин артына жашырууга аракет кылган К.Ж. аттуу жаран аныкталган, кароо учурунда бул пакетте тыюу салынган заттар табылып, анда баңгизаттык опиоиддик анальгетиктер жана башка күчтүү таасир берүүчү каражаттар аныкталган.
Пикир
Оставить комментарий