Бишкектеги бир нече көчөдө жол чийиндери жаңыртылууда

Бишкек, 13.05.23./Кабар/. Бишкекте жол белгилерин жаңылоо иштери уланууда, деп билдирет муниципалитеттин маалымат кызматы.

Маалыматка ылайык, учурда жол чийиндери Киев көчөсүнүн Абдрахманов көчөсүнөн Манас проспектисине чейинки бөлүгүндө жаңыланууда.

Ошондой эле, Токтогул көчөсүндөгү Абдрахмановдон Манас проспектисине чейинки жөө адамдар өтүүчү өтмөктөрдөгү чийиндерди жаңылоо пландалууда.

Төмөнкү кесилиштердеги жөө жүргүнчүлөр өтүүчү жерлердин чийиндерин жаңыртуу иштери аяктады:

- Бакаев көчөсү Ахунбаев көчөсүнөн Лев Толстой көчөсүнө чейин;
- "Калыс-Ордо" конушунун негизги көчөсүндө;
- Бакаев көчөсү Айни көчөсүнөн Лев Толстой көчөсүнө чейин.

Көчөлөрдүн кесилиштериндеги токтотуучу сызыктар жаңыртылды:

- Анкара-7-апрель;
- Бакаев-Айни;
- Бакаев-Гагарин;
- Алтымышев-Бакаев.

Жолдун бөлүгү кеңейтилгенден кийин Чүй проспектиси менен Фучик көчөсүнүн кесилишине үзүк сызыктар түшүрүлдү.