Бишкектеги №33 мектеп-гимназиясынан кайрадан бомба изделүүдө

Бишкек, 28.11.23. /Кабар/. Бишкектеги №33 мектеп-гимназиясынын имаратынан кайрадан бомба изделүүдө.

«Кабар» агенттигине Свердлов райондук милициясынан билдиришкендей, бүгүн саат 09:50лөр чамасында 102 кызматына мектепке кайрадан бомба коюлгандыгы тууралуу маалымат түшкөн.

Жерине кечиктирилбестен Свердлов райондук милициясынын ыкчам-иликтөө тобу барып, мектептин аймагы курчоого алынды.

Мектеп окуучулары жана мугалимдер эвакуацияланды. Учурда жеринде ИИМдин кинологдору иш алып барууда.

Эске салсак, күн мурун аталган мектептин имаратында бомба коюлгандыгы тууралуу маалымат түшүп, бирок факт тастыкталган эмес.