Бишкек, 19.11.24. /Кабар/. Бишкек шаарындагы Көлмө жаңы конушунун жолдору оңдолууда.
Мэриядан билдиришкендей, “Бишкекасфальтсервис" муниципалдык ишканасы жаңы конуштардагы жолдорду жана тротуарларды капиталдык оңдоодон өткөрүүдө.
Учурда жолчулар Көлмө конушундагы Илим көчөсүнүн эки бөлүгүн оңдоп жатат. Ал эми Мидин көчөсүнөн Жапаров көчөсүнө чейинки тилкесинде капиталдык оңдоо иштери аяктады. Кулиев көчөсүнөн №78 мектеп-гимназиясына чейинки экинчи бөлүгү асфальттоого даяр.
Белгилей кетсек, быйыл Көлмө конушундагы Курулуш көчөсүнүн Мидин көчөсүнөн Биримдик көчөсүнө чейинки бөлүгү капиталдык оңдоп-түзөөдөн өткөрүлүп, Максат көчөсүнүн Мидин көчөсүнөн Жапаров көчөсүнө чейинки аралыгы асфальттоого даярдалган.
Пикир
Оставить комментарий