Бишкектин 26 мектеби онлайн окутууга өтөт. Себеби

Бишкек, 16.05.24. /Кабар/. Жалпы республикалык тестирлөөгө байланыштуу Бишкектин 26 мектеби онлайн окутууга өтөт. Бул тууралуу шаардык мэрия кабарлайт.

Маалыматка ылайык, 18-майдан 20-майга чейин Ленин районунун №9, 13, 31, 68, 72, 84, 93, 96 мектептери аралыктан окушат.

Ал эми 22-24-майга күндөрү Биринчи май районунун № 6, 24, 27, 28, 69, 83 мектептери онлайн окуу режимине өтөт.

Свердлов районунда 18-майдан 20-майга чейин №1, 4, 38, 65, 66, 94 мектептерде, ал эми Октябрь районунда 22-майдан 24-майга чейин № 3, 39, 62, 63, 64, 88 мектептерде онлайн окутуу жүргүзүлөт.