Интергельпо көчөсүн оңдоо иштерине байланыштуу троллейбустардын кыймылы өзгөрөт — Бишкек мэриясы

Бишкек, 14.04.22. /Кабар/. Бишкек шаарынын Интергельпо көчөсүнүн Кеңсуу көчөсүнөн Дэн Сяопин проспектисине чейинки бөлүгү оңдоо иштерине жабылгандыгына байланыштуу троллейбустук каттамдардын кыймылы өзгөрөт. Бул тууралуу муниципалитеттин басма сөз кызматы билдирет.

Маалыматка ылайык, №10 жана №2 троллейбустук каттамдардын схемасы жарым-жартылай өзгөрүп, троллейбустук каттамдар Фучик көчөсү менен каттайт.

Бишкек мэриясы жарандардан ыңгайсыздык үчүн кечирим сурайт жана убактылуу өзгөрүүлөрдү эске алуу менен маршруттук каттамдарды пландаштырууну өтүнөт.