Бишкек, 19.09.23. /Кабар/. Борбор калаада тротуарларды оңдоо иштери кызуу жүрүүдө.
Бишкек мэриясынан билдиришкендей, Исанов көчөсүнүн Жибек-Жолу проспектисинен Фрунзе көчөсүнө чейинки жолдун чыгыш тарабында асфальтка даярдоо иштери аяктады. Фрунзе көчөсүнөн Чүй проспектисине чейин ирригациялык системалар орнотулууда.
Ушундай эле иштер батыш тарапта пландаштырылган, бирок курулуш иштерин кызыл сызыктан чыккан дарбазалар кыйындатып жатат.
Ошентип, Исанов көчөсүнүн Жибек Жолу проспектисинен Фрунзе көчөсүнө чейинки бөлүгүнүн батыш тарабында эски асфальт сыйрылып, ирригациялык система жана бордюрларды орнотуу иштери башталды.
Даярдык иштери толугу менен аяктаган объектилерге аба ырайынын ыңгайлуу шарттарында асфальт-бетон аралашмасын төшөөнү баштоо пландаштырылууда.
Пикир
Оставить комментарий