Бишкек, 23.01.25. /Кабар/. Бишкек шаарында көчөлөрдү кардан тазалоо иштери уланууда.
Муниципалитеттен билдиришкендей, учурда "Тазалыктын" 85 бирдик атайын техникасы жана кызматкерлери иш алып барууда.
Ошондой эле шаардын көчөлөрүн кардан тазалоого 37 МАЗ базасындагы кар тазалоочу машина, 10 Шахман комбинацияланган жол техникасы, 2 фронталдык жүктөгүч, 24 шыпыргы жана күрөктөрү менен "Беларус" тракторлору, 4 "УКМ-2500" универсалдуу коммуналдык машинасы жана 4 шыпыргысы бар "Бопкат" катышууда.
Белгилей кетсек, 22-январдан тарта ушул убакытка чейин 767 тонна техникалык туз сарпталды.
Пикир
Оставить комментарий