Бүгүн күндө бизнес кыргыз тилинде иштөөнү тандайт – КР мамлекеттик катчысы

Бишкек, 15.03.24. /Кабар/. Бүгүнкү күндө бизнес кыргыз тилинде иштөөнү тандап жатканы кубандырат. Бул тууралуу “Кыргыз тилинин бизнестеги орду” деген темадагы “Заманбап кыргыз тили 2” форумунда мамлекеттик катчы Сүйүнбек Касмамбетов билдирди.

"Биз кыргыз тилин өнүктүрүүгө чоң кадамдын алдында турабыз, анткени бизнес бизди колдоп жатат. Бүгүнкү күндө бизнес өз эне тилинде сүйлөөгө жана иштөөгө умтулууда. Бул абдан жакшы. Ал эми кыргыз тилин ишкерликке киргизүү боюнча чаралар көрүлүп жатканы абдан маанилүү, биз муну колдоого алышыбыз керек", - деди Касмамбетов.

Анын айтымында, бүгүнкү күндө кыргыз тилинде башка тилдерден кабыл алынган көптөгөн сөздөр колдонулат. "Мындан тышкары, өлкөнүн жаштарынын жарымынан көбү орус тилинде сүйлөйт, жана алардын көбү өз эне тилин түшүнбөйт же орус тилинен кабыл алынган бир нече сөздү же жаштардын сленгинде колдонулган сөздөрдү өз ара баарлашууда колдонушат. Кыргыз тилинде өз ара баарлашууда колдонууда алда канча кооз жана курч угулган сөздөр бар", - деп белгиледи мамлекеттик катчы.