Борбор калаада мэрдин кубогунун жеңүүчүлөрүнө сыйлыктар тапшырылды

Бишкек, 10.12.24. /Кабар/. Борбор калаада мэрдин кубогунун жыйынтыгы чыгарылып, жеңүүчүлөргө сыйлыктар тапшырылды.

Мэриядан маалымдашкандай, мелдешке 20дан ашык команда катышты. Анда кичи футбол, волейбол, стол тенниси, бильярд, шахмат, дартс, сууда сүзүү, аркан тартыш жана ордо боюнча таймаштар өттү.

Спорттук иш-чарада муниципалитеттин ведомстволук бөлүмдөрүнүн жана райондук администрациялардын кызматкерлери күч сынашты.

Мэрдин кубогунун жеңүүчүлөрүн жана байге ээлерин сыйлоо аземинде Бишкек шаарынын мэри Айбек Жунушалиев командаларды жеңиши менен куттуктап, кубок жана медалдарды тапшырды.