Бишкек, 15.06.24. /Кабар/. Кыргызстандын самбо боюнча улуттук курама командасы БРИКС эл аралык спорттук оюндарында 4 медаль (1 күмүш, 3 коло) жеңишти.
Дене тарбия жана спорт департаментинен билдиришкендей, мелдештер 12-июндан 25-июнга чейин Татарстандын Казань шаарында өтүп жатат.
Эркектер арасында Жамалбек Асылбек уулу (88 кг) күмүш медалга жана Искендер Саралаев (+98 кг) коло медалга ээ болсо, кыз-келиндер арасында Канышай Аманкулова (50 кг) жана Мираида Медетбек кызы (65 кг) 3-орунду ээлешти.
Курама команда башкы машыктыруучу Азамат Казакбаев жана машыктыруучу Ильгиз Каналбек уулунун жетекчилигинде мелдешке катышты.
Пикир
Оставить комментарий