Бишкек, 02.04.21. /Кабар/. Кечээ “Учкун” ААКтын мекемесинде жергиликтүү кеңешке депутаттарды шайлоо жана Жалал-Абад, Ош, Баткен, Нарын, Ысык-Көл, Талас, Чүй облустарына, Бишкек жана Ош шаарларындагы аймактык шайлоо комиссияларына, андан тышкары, чет өлкөдөгү шайлоо тилкелерине КРнын референдум өткөрүү үчүн даярдалган шайлоо бюллетендерин кабыл алуу-берүү актысына кол коюлду. Бул тууралуу Борбордук шайлоо комиссиясынын басма сөз кызматы билдирди.
Референдум (бүткүл элдик добуш берүү) өткөрүү үчүн 3 млн 600 миң 996 бюллетень чыгарылды. Мындан тышкары, 4 миң 966 бюллетень Брайл шрифти менен даярдалды.
Бишкек шаарына – 415 миң 978, Ош шаарына – 150 миң 346, Жалал-Абад облусуна – 673 миң 327, Ош облусуна – 732 миң 963, Баткенге – 299 миң 847, Нарын - 206, 313, Ысык-Көл – 311 миң 935, Талас – 160 миң 212, Чүй облусуна – 595 миң 887, чет өлкөдөгү тилкелерге – 54 миң 189 бюллетень жөнөтүлдү.
Шаардык кеңештерге депутаттарды шайлоонү өткөрүү үчүн 1 млн 45 миң 692 бюллетень өндүрүлдү. Мындан тышкары, 1 миң 196 бюллетень Брайл шрифти менен чыгарылган.
Бишкек шаарына 417 миң 987, Ош шаарына – 151 миң 390, Далал-Абад облусуна 139 миң 409, Ош облусуна – 38 миң 987, Баткен облусуна – 90 миң 756, Нарынга – 30 миң 986, Ысык-Көл – 76 мин 484, Таласка – 21 миң 948, Чүй облусуна – 77 миң 747 бюллетень жөнөтүлдү.
Айылдык кеңешке депутаттарды шайлоону өткөрүү үчүн 2 млн 260 миң 712 бюллетень даярдалды. Мындан тышкары, Брайл шрифти менен 120 бюллетень чыгарылды.
Жалал-Абад облусуна – 479 миң 421, Ош облусуна – 621 миң 421, Баткен облусуна – 188 миң 358, Нарын облусуна – 160 миң 644, Ысык-Көл облусуна – 228 миң 920, Талас облусуна – 130 миң 342, Чүй облусуна – 451 миң 606 бюллетень жөнөтүлдү.
Жыйынтыгында жергиликтүү кеңештерге депутаттарды шайлоо жана референдум өткөрүүгө 6 млн 907 миң 400 бюллетень даярдалды.
Эскерте кетсек, 2021-жылдын 11-апрелинде Кыргызстанда жергиликтүү кеңештерге шайлоо жана референдум (бүткүл элдик добуш берүү) өткөрүлөт.
Пикир
Оставить комментарий