Бишкек, 21.11.24. /Кабар/. Быйыл Кыргызстан тоок жумурткасы менен өзүн толук камсыздоого жетишти. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Ведомствонун маалыматына ылайык, министрлик менен КР Канаттуулар ассоциациясы менен кызматташтык жөнүндө меморандумга кол коюлган меморандумдун максаты канаттуулар тармагын өнүктүрүүгө карата стратегиялык мамилени тастыктайт.
Ошондой эле мамлекеттик органдардын фермерлерди бардык багыттарда — ресурстарга жана технологияларга жеткиликтүүлүктү камсыз кылуудан баштап продукцияны сатууга көмөктөшүүгө чейин жигердүү колдойт.
Белгилей кетсек, 2024-жылы Кыргызстан тоок жумурткасы менен толук өзүн-өзү камсыздоого жетишти жана канаттуулар тармагындагы олуттуу жылыштар болду. Ошондой эле тоок этине болгон муктаждыкты ата мекендик өндүрүш менен камсыз кылуу болжол менен 35-40%ды түзөт, бул секторду андан ары өнүктүрүү зарылдыгын көрсөтүп турат.
Азыркы учурда өлкөдө канаттуулардын эти менен өзүн-өзү камсыз кылуу деңгээлин жогорулатуу үчүн ири долбоорлор ишке ашырылууда. Алсак, дыйкан-фермерлерди колдоого багытталган агроөнөр жай комплексине насыя берүү. Мындан тышкары, Балыкчы шаарында Россия-Кыргыз өнүктүрүү фондунун колдоосу менен канаттуулар фабрикасынын кошумча линиясын ишке киргизүү пландаштырылууда. Бул тоок этин өндүрүүнү көбөйтүүгө жана импорттон көз карандылыкты азайтууга өбөлгө түзөт.
Белгиленгендей, аталган демилгелер өлкөнүн азык-түлүк коопсуздугун бекемдөөгө жана жаңы жумуш орундарын түзүүгө багытталган, бул Кыргызстандын экономикалык өнүгүүсүнө оң таасирин тийгизет.
Пикир
Оставить комментарий