Бишкек, 29.06.22. /Кабар/. Кыргызстанда быйыл сугат суу өткөн жылга салыштырмалуу 151 млн куб метрге көп. Бул тууралуу "Кабар" агенттигинде өткөн маалымат жыйынында айыл чарба министри Аскарбек Жаныбеков билдирди.
Анын айтымында, 2022–жылдын 27-июнуна карата сугатка суу берүү планда – 2611,4 млн кубга каралса, иш жүзүндө – 2261,1 млн куб метр сугат суу берилип, план 88 пайызга аткарылды, өткөн 2021-жылга салыштырмалуу 151 млн куб метр көлөмдөгү суу көбүрөөк берилген.
"Ал эми бардык сугарылган аянт планда – 1719 миң га каралса, иш жүзүндө 1445 миң га аянты сугарылып, план 85 пайызга аткарылган, өткөн 2021-жылга салыштырмалуу 63,6 миң гектар аянты көбүрөөк сугарылды", - деди ал.
Министр белгилегендей, жалпы сугарылган 1445 миң гектардын ичинен жазгы ным топтоо сугаты 241 миң га, биринчи сугаты 878,8 миң га, экинчи жана кийинки сугаты 325,3 миң гектарды түзөт.
Пикир
Оставить комментарий