Бишкек, 09.02.21. /Кабар/. Сузак районунда изделип жаткан үч балалуу аял Оштон табылды.
Жалал-Абад ОИИБинин басма сөз кызматы агенттикке билдиргендей, 15-январда 30 жаштагы Аттокур кызы Канзаада Сузак районунун Жыгач-Коргон айылындагы үйүнөн чыгып кеткен бойдон дайынсыз болуп жаткан.
Бул маалымат ЖМКларга жарыялангандан кийин кечээ, 8-февралда кайдыгер эмес жарандар тарабынан милицияга маалымат берилген жана келин өзүнүн атасынын үйүнө кайтып келген.
Ал милицияга Оштогу эжесиникине кеткенин жана эч кимге арыз доосу жок экенин айткан.
Пикир
Оставить комментарий