Бишкек, 14.03.22. /Кабар/. Чүй облусунда бир жумада мас абалында унаа башкарган 100дөн ашуун айдоочу аныкталды. Бул тууралуу Чүй облусу боюнча жол кыймылынын коопсуздугун камсыздоо башкармалыгынын басма сөз кызматы билдирет.
Маалыматка ылайык, 3нөн 13-мартка чейинки аралыкта Чүй облусунун аймагында 4 миң 322 жол эрежесин бузуу фактысы катталган.
Анын ичинен:
- 109 айдоочу мас абалында унаа башкарган;
- 1 миң 811 айдоочу жогорку ылдамдыкта автоунаа башкарган;
- ар кандай жол эрежесин бузган 173 автоунаа айып короосуна киргизилген.
Чүй облусу боюнча жол кыймылынын коопсуздугун камсыздоо башкармалыгы айдоочуларды жол эрежесин сактоого чакырат.
Пикир
Оставить комментарий