Бишкек, 25.03.19. /Кабар/. Чүй облусунун аймагында 18-19-март күндөрү кылмыштуулуктун алдын алуу жана анын бетин ачуу максатында, ошондой эле мыйзамсыз сакталган курал-жарактарды аныктоого багытталган "Арсенал" рейди жүргүзүлгөн.
Иш-чарага жалпысынан 230 кызматкер тартылган.
Рейд учурунда 569 мергенчи, 30 газдык-травматикалык куралдардын ээлери, уруксат системасындагы 11 объект жана жеке 5 күзөт агенттиги текшерилген.
Жыйынтыгында 4 курал алынып, кээ бир куралдардын ээлерине жалпысынан 10 миң сомго айып салынган.
Андан тышкары 28 унаа, 9 кичи-базарлар, 3 мейманкана жана 86 турак жайлар текшерилген.
Пикир
Оставить комментарий