Бишкек, 11.11.21. /Кабар/. Чүйдүн Ысык-Ата райондук милициясы дайынсыз жоголгон эки адамды издөөдө. Бул тууралуу облустук ички иштер башкы башкармалыгынан билдиришти.
Маалыматка ылайык, 42 жаштагы Олег Ильенко өткөн жылдын 14-декабрында Кант шаарынын 2-кичирайонундагы үйүнөн чыккан бойдон кайтып келген эмес.
Белгилери: бою 172-177 см, орто дене түзүлүштө, чачы кыска жана кара, алдыңкы тиштери жок, төшүндө карышкырдын сүрөтү тартылган. Кызыл кофта жана спорттук шым кийип жүргөн.
Ошондой эле 42 жаштагы Мээрим Жаманкулова 15-октябрда үйүнөн чыгып кеткен бойдон кайтып келген эмес.
Белгилери: бою 15-160 см, арык чырай, чачы кара жана кыска.
“Кимде-ким жогоруда айтылган адамдар тууралуу маалыматы болсо 0708 10-81-10 же “102” кызматына кайрылууңуздарды суранабыз”, - деп айтылат маалыматта.
Пикир
Оставить комментарий