Бишкек, 25.05.23. /Кабар/. Чүйдө эки айдан бери дайынсыз болуп жаткан өспүрүм аман-эсен табылды. Бул тууралуу Чүй облустук милициясынан билдиришти.
Маалыматка ылайык, Ысык-Ата районунун Рухий Мурас - 2 жаңы конушунун 15 жаштагы Эрбол Эркинбеков аттуу тургуну 2023-жылдын 23-мартында үйүнөн чыгып кеткен бойдон дайынсыз болуп жаткан.
Дайынсыз жоголгон өспүрүм Ысык-Ата райондук милициясынын кызматкерлери тарабынан 24-май түнү саат 03:00лөр чамасында Бишкек шаарындагы компьютердик клубдардын биринен табылып, ата-энесине өткөрүп берилди.
Пикир
Оставить комментарий