Чет өлкөгө дарыланууга кеткен Ташиев кайра Кыргызстанга келе жатат

Бишкек, 29.04.21. /Кабар/. Чет өлкөгө дарыланууга кеткен УКМКнын төрагасы Камчыбек Ташиев кайра Кыргызстанга учуп келе жатат. Бул тууралуу Ташиев өзүнүн фейсбуктагы баракчасына билдирүү калтырды.

Ташиев кечээ, 28-апрелде ден соолугун каратуу үчүн Германияга учуп кеткенин жазат.

“Бүгүнкү Баткендеги окуяларга байланыштуу кайрадан артка учуп чыктым. Ооруканага жетпей кайттым, буюрса, түнү менен жетип барам. Баарыңыздарга сабырдуулук тилеймин. Мекендин чеги өмүрдөн да кымбат, ынтымакта баарын жеңебиз”, - деп жазат Ташиев.

Белгилей кетсек, УКМК буга чейин Камчыбек Ташиев дарылануу үчүн чет өлкөгө учуп кеткендигин билдирген.