Бишкек, 14.08.24. /Кабар/. Чолпон-Атада селден электр жабдыктары жабыркаган жок. Бул тууралуу Энергетика министрлиги билдирет.
Маалыматка ылайык, 12-августта катуу жааган жаандан улам Чолпон-Ата шаарында 22:00 чамасында сел жүрүп, "Чолпон –Ата" 110/10 кВ көмөк чордонун сел каптаган. Селдин кесепетинен көмөк чордондогу кабелдик каналдарды суу каптап, кум-баткака толтурган.
Ысык-Көл электр тармактар ишканасынын кызматкерлери кабелдик каналдарды тазалап, көмөкчордондун ичин жана айлана чөйрөсүн иретке келтиришти.
Ошондой эле мындан ары суу ташкынын алдын алуу максатында Чолпон-Ата 110/10кВ көмөк чордонунун үстүнөн канал казылды.
Селдин кесепетинен электр жабдыктары жабыркаган эмес.
Пикир
Оставить комментарий