Бишкек, 12-июль /Кабар/. Казакстандын ырчысы Димаш Кудайбергеновдун сүрөтү түшүрүлгөн учак Кытайда уча баштайт. Бул тууралуу ырчынын PR-менеджери Алпамыс Шаримов социалдык баракчасына жазганын “Tengrinews.kz.” билдирди.
Маалыматка ылайык, Кытайда Димаштын элеси түшүрүлгөн учак чыгарылат. Учак “Moonlight Blade” аттуу видео оюнуна арналган. Аталган оюнга ырчы “Время-море ” деген саундтрек жазган.
“Аталган учак алгачкы каттамын 22-августта Шанхайдан Пекинге жасайт. Бул учак эми казакстандык жаш ырчынын аты менен брендге айланат”,-деп жазат Алпамыс Шаримов. “MMORPG” видео оюнунун негиздөөчүсү болуп “Tencent” компаниясы эсептелет. Бирок аталган оюндун расмий сайтында Димаш Кудайбергеновдун сүрөтү жана анын аткаруусундагы саундтрек жарыяланган.
Булак: CA-NEWS
Пикир
Оставить комментарий