Бишкек, 05.09.18 /Кабар/. Өзбекстандын жана Казакстандын көк бөрү боюнча курама командалары өздөрүнүн топторунда биринчи орундарды алып, Дүйнөлүк көчмөндөр оюндарынын жарым финалына чыгышты.
Жалпысынан медалдар үчүн 4 топко бөлүнгөн 12 команда күч сынашты. Жарым финалга өздөрүнүн топторунда биринчиликти алган командалар чыгышты.
Өзбекстандын курама командасы биринчи оюнда Башкортостандын командасын 19:1 эсебинде уткан. Экинчи оюнда өзбекстандыктар Франциянын курама командасын 19:6 эсебинде утушту.
Казакстан биринчи оюнда Россиянын Красноярск шаарынан келген команданы 15:3 эсебинде, АКШнын курама командасын 20:9 эсебинде утту.
Буга чейин турнирдин жарым финалына Кыргызстандын жана Россиянын Москва шаарынан келген командалар чыгышкан.
Чучугулактын жыйынтыгы боюнча топтор төмөндөгүдөй түзүлгөн:
А тобу: Кыргызстан, Алтай, Монголия,
В тобу: Москва, Кытай, Афганистан,
С тобу: Казакстан, АКШ, Красноярск,
D тобу: Башкирия, Франция, Өзбекстан.
Пикир
Оставить комментарий