Бишкек, 05.09.18 /Кабар/. Кыргызстандын көк бөрү боюнча курама командасы топто эки жолу жеңишке жетип, Ысык-Көл облусунда өтүп жаткан Дүйнөлүк көчмөндөр оюндарында жарым финалга чыкты.
Биринчи оюнда кыргызстандыктар Монголиянын командасын 29:5 эсебинде утушкан. Бүгүн Алтайдын командасынын оюнчулары Кыргызстандыктарга каршы оюн талаасына чыгышпагандыктан, калыстар аларга техникалык утулуу деген чечим чыгарышты.
Жалпысынан көк бөрү боюнча 4 топко бөлүнгөн 12 команда күч сынашат. Жарым финалга өздөрүнүн топторунда биринчи орунду алган командалар чыгышат.
Чучугулактын жыйынтыгы боюнча топтор төмөндөгүдөй бөлүнгөн:
A тобу: Кыргызстан, Алтай, Монголия
B тобу: Москва, Кытай, Афганистан
С тобу: Казакстан, АКШ, Красноярск
D тобу: Башкирия, Франция, Өзбекстан
Пикир
Оставить комментарий