Бишкек, 29.10.21. /Кабар/. Бишкекте милициянын кайгуул кызматкерлери салык кызматы менен биргеликте автоунаалардын салыгын текшерүүдө.
Кайгуул кызматынан билдиришкендей, иш-чаранын жүрүшүндө салык мыйзамдарына ылайык, жүк жана жүргүнчүлөрдү ташуу үчүн ыктыярдуу патентти алгандыгын, камсыздандыруу полистерин төлөгөндүгүн жана 4-топтогу мүлк салыгын төлөгөндүгүн текшерүү үчүн кайгуул кызматкерлери унааларды токтотуп, текшерүүгө алышты.
“Эки сааттын ичинде унаага болгон салыкты төлөбөгөн тогуз айдоочу аныкталып, салык кызматы тарабынан тийиштүү чаралар көрүлдү”, - деп айтылат маалыматта.
Пикир
Оставить комментарий