Бишкек, 20.03.24. /Кабар/. Кыргызстандын Малайзиядагы элчиси Анвар Анарбаев аталган өлкөнүн падышасы Султан Ибрагимге ишеним грамоталарын тапшырды.
КР ТИМдин басма сөз кызматынан кабарашкандай, иш-чара бүгүн Куала-Лумпур шаарындагы Улуттук сарайда өттү.
Элчи Анвар Анарбаев Малайзиянын падышасына жана элине Кыргызстандын президенти Садыр Жапаровдун атынан жылуу салам жана жакшы каалоо-тилектерин айтты.
Ошондой эле элчи дипломатиялык миссиясы учурунда Кыргызстан менен Малайзиянын ортосундагы мамилелерди кеңейтүү жана тереңдетүү үчүн бардык күч-аракетин жумшай тургандыгын ишендирди.
Өз кезегинде Малайзиянын падышасы президент Садыр Жапаровго жана Кыргызстандын элине ѳз саламын жана жакшы каалоолорун айтты.
Пикир
Оставить комментарий