Бишкек, 14.11.24. /Кабар/. Кыргызстандын Швейцариядагы элчиси Омар Султанов БУУнун адам укуктары боюнча жогорку комиссары Фолькер Түрк менен жолугушту.
КР ТИМден билдиришкендей, жолугушууда келерки жылы жогорку комиссардын Кыргызстанга жасай турган иш сапарынын мазмуну талкууланды. Ушул өнүттө, Кыргызстан менен БУУнун адам укуктары боюнча жогорку комиссарынын башкармалыгынын учурдагы кызматташуусу боюнча пикир алмашуу жылуу жана достук маанайда болуп өттү.
Элчи Омар Султанов өлкөнүн БУУнун келишимдик органдары жана атайын процедуралары менен ачык диалогго жана өз ара аракеттенүүгө берилгендигин белгилеп, аларга өлкөгө келип кетүүгө дайыма чакырууга даяр экенин билдирди.
Пикир
Оставить комментарий