Бишкек, 14.09.21. /Кабар/. Кыргызстандын Россиядагы элчилиги ушул жылдын 20-сентябрынан тартып КР жарандарына мекенге кайтып келүү күбөлүгүн (МВР) алдын ала жазылуу жолу менен берет. Бул тууралуу элчиликтин басма сөз кызматы билдирет.
Маалыматка ылайык, алдын ала жазылуу тартиби документтерди иштеп чыгуу процессин иретке келтирүүгө, кезекке турбоого, келгендерге кызмат көрсөтүүнүн сапатын жакшыртууга жана жалпысынан консулдук мекеменин иштеринин натыйжалуулугун жогорулатууга мүмкүндүк берет.
Электрондук кезекке жазылуу үчүн жаран msk.svr.kg@mail.ru дарегине жеке маалыматтарды көрсөтүү менен электрондук арыз жөнөтүшү керек:
1. Толук аты -жөнү;
2. туулган күнү;
3. телефон номери;
4. катталуусунун себеби (жоголушу / бузулушу / паспортунун мөөнөтү / баланын мекенге кетиши).
Кыргыз Республикасына кайтып келүү күбөлүгү - КР жаранынын инсандыгын ырастоочу жана ага КРга кирүүгө укук берген убактылуу документ.
Сертификат КРга кайтып келүү үчүн паспорт жоголгон учурда, ошондой эле паспортун колдонууга жараксыз деп табылганда (химиялык же механикалык бузулуу); анын жарактуулук мөөнөтү бүткөндө (арыз берүүчү жаңы паспорт берилишин күтө албайт); 18 жашка чейинки Кыргыз Республикасынын жарандары жана Россия Федерациясынын аймагында жаңы төрөлгөн балдар үчүн паспорт жок болгондо берилет.
Учурда КРнын РФдагы элчилиги паспортко документтерди алдын ала жазылуу шарты боюнча кабыл алууну баштады.
Пикир
Оставить комментарий