Бишкек, 27.06.23. /Кабар/. Эртең, 28-июнда Бишкектин эски аянтында Курман айт намазы окулат. Буга карата шаардын борбордук бөлүгү саат 02:00дөн 09:00гө чейин жабылат.
Төмөнкү көчөлөрдө убактылуу чектөөлөр киргизилет:
- Чүй проспектисинин Панфилов көчөсүнөн Фрунзе көчөсүнө чейинки аралыгы;
- Фрунзе көчөсүнүн Тоголок Молдодон Панфилов көчөсүнө чейинки бөлүгү;
- Тыныстанов көчөсүнүн Фрунзеден Чүй проспектисине чейинки бөлүгү;
- Чүй проспектисинин Тыныстановдон Панфилов көчөсүнө чейинки бөлүгү.
Жол кыймылынын коопсуздугун камсыз кылган башкы башкармалыгы келтирилген ыңгайсыздыктар үчүн кечирим сурайт жана маршрутту алдын ала пландаштырып алууну суранат.
Пикир
Оставить комментарий