Бишкек, 26-июль /Нуркыз Сабырова – Кабар/. Белгилүү сынактардын бири "Евровидение 2018" келерки жылы Португалиянын Лиссабон шаарында өтөт. Бул тууралуу Европа каналы өзүнүн расмий сайтына жазган.
Маалыматка ылайык, жарым финал 8-10-майда, ал эми финал 2018-жылдын 12-майына белгиленген.
Ошондой эле, уюштуруучулар сынакка болгон даярдыктар боюнча промо-ролик тартышкан. Белгилүү болгондой, Португалиялыктар 2018-жылы 200 млн конокту жана 1500го чукул ММК өкүлдөрүн чакырууга даяр экендиктерин билдиришкен.
Эскертек кетсек, Португалия 2018-жылы "Евровидение" сынагын өткөрүү мүмкүнчүлүгүн жеңип алган.
Эл аралык "Евровидение” сынагы 1956-жылдан бери өтүп келет. Ага 600 млн го чукул көрүүчү чогулат.
Сынакка катышууга арызын калтырган бардык мамлекеттерден бирден конкурсант катышып, сынак түз эфирде өтөт.
Пикир
Оставить комментарий