Бишкек, 14.12.23. /Кабар/. Футзал боюнча 2024-жылкы Азия Кубогунуна чүчүкулак тартуу аземи өттү. Иш-чара бүгүн Куала-Лумпур шаарындагы Азия футбол конфедерациясынын баш кеңсесинде өткөндүгүн КР Футзал ассоциациясынан билдиришти.
Анын жыйынтыгында командалар 4 тайпага бөлүндү.
Кыргызстандын футзал боюнча Улуттук курамасы «С» тайпасында орун алды. Улуттук курама менен кошо тайпада Япония, Тажикстан жана Түштүк Корея курамалары жайгашты.
Белгилей кетсек, Азия биринчилигинин оюндары 2024-жылы 17-28 апрель күндөрү Таиландда өтөт.
Пикир
Оставить комментарий