Бишкек, 16.07.24. /Кабар/. Европа чемпионатынын финалында Англияны уткан Испаниянын курамасы мекенине континенталдык футбол кубогу менен кайтып барышты.
Еuronews маалымдагандай, эми испаниялыктар Евро-2024 мелдешиндеги жеңишин майрамдашат.
Мадридге учак конгондон кийин кураманын капитаны Альваро Мората траптан футбол кубогун бийик көтөрдү.
Алдыда Испаниянын борборунда Европа чемпиондору падышанын үй-бүлөсү жана премьер-министр Педро Санчес менен жолугары айтылды. Ошондой эле Мадриддин көчөлөрүндө футболчулар күйөрмандарынын кучагында салтанаттуу жүрүшкө катышары күтүлүүдө.
Белгилей кетсек, Евро-2024 мелдешинде Испания курамасы жети оюн өткөрүп, атаандаштарынын дарбазасына жалпысынан 15 топ киргизди.
Алтын медалды карай испаниялыктар фаворит делген Германия, Франция жана Италияны артта калтырды. Алар чечүүчү беттеште англичандарды 2:1 эсебинде утуп, төртүнчү ирет Европа чемпиону болушту.
Пикир
Оставить комментарий