Ивановка айылындагы бала бакчадан өрт чыгып, 100 бала жана тарбиячылар эвакуацияланды

Бишкек, 03.12.19. /Кабар/. Ысык-Ата районунун Ивановка айылындагы Пролетарский көчөсүндө жайгашкан “Малыш” бала бакчасынан өрт чыккан.

Өзгөчө кырдаалдар министрлигинен кабарлашкандай, тилсиз жоодон бала бакчанын бир чарчы метр жыгач шыбы күйгөн. Өрт катталган жайдан 100 бала жана 18 тарбиячы коопсуз жайга эвакуацияланган.

ӨКМ кызматынан кошумчалашкандай, учурда өрттүн себеби такталууда.