Бишкек, 03.07.24. /Кабар/. Кадамжай районунун Кара-Жыгач айылындагы 375 орундуу мектептин курулушу уланууда. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Маалыматка ылайык, мектеп курулушу республикалык бюджеттин эсебинен каржыланып, 2022-жылы башталган. Билим берүү уюму эки кабаттан туруп, спорттук зал дагы каралган.
"Учурда курулуш иштеринин 58 пайыздык жумушу аткарылып, жылытуу системасын, имараттын сырткы фасадын жасоо иштери жүргүзүлүүдө", - деп айтылат маалыматта.
Пикир
Оставить комментарий