Бишкек, 26.11.21. /Кабар/. Бишкек мэриясында конуштарда жайгашкан жер тилкелерине укук белгилөөчү документтерди алып келүү үчүн мобилдик топтор түзүлөт.
Муниципалитеттен билдиришкендей, мобилдик бригадалар түздөн-түз жеринде иштешет.
"Азыр “2012-жылдын 3-августуна чейин курулган өз алдынча жеке турак жай курулуштары бар жер тилкелерин мыйзамдаштыруу жөнүндө” КР Мыйзамынын долбоору коомдук талкууга алынып, ал ушул жылдын 29-ноябрында аяктайт", - деп айтылат маалыматта.
Бишкек мэриясы калктуу конуштардын жашоочуларын жер тилкелерин каттоодо талап кылынуучу документтердин тизмеси менен таанышып чыгууну суранат.
Пикир
Оставить комментарий