Бишкек, 22.05.24. /Кабар/. Каракол шаарында дем алыш күнү жол кырсыгынан бир аял каза болду. Бул тууралуу "Кабар" агенттигине Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, 19-май түнү саат 21:40 чамасында Карасаев жана Жамансариев көчөлөрүнүн кесилишинде "Мазда-Трибут" жана "Фольксваген-Пассат" автунаалары сүзүшкөн. Натыйжасында 1 жаран (аял киши) каза болуп, бешөө облустук ооруканага кайрылышкан.
"Бул жол кырсыгы Каракол ШИИБдин электрондук журналына катталып, тергөө кызматы тарабынан тиешелүү териштирүү иштери жүргүзүлүүдө", - деп айтылат маалыматта.
Пикир
Оставить комментарий