Бишкек, 13.10.21. /Кабар/. 2021-жылдын 14-октябрында КР тышкы иштер министри Руслан Казакбаев Минск шаарында өтө турган КМШнын тышкы иштер министрлеринин кеңешинин кезектеги жыйынына катышат. Бул тууралуу КР ТИМдин басма сөз кызматы билдирет.
Жолугушуунун жүрүшүндө эл аралык күн тартибинин актуалдуу маселелери жана Тышкы иштер министрликтеринин КМШ форматында өз ара аракеттенүүсү боюнча пикир алмашуу, ошондой эле бир катар документтерди, анын ичинде КМШ мамлекет башчыларынын кеңешинин жана өкмөт башчыларынын кеңеши кезектеги жыйындарында бекитиле турган документтерди кароо пландаштырылууда.
Пикир
Оставить комментарий