Бишкек, 09.09.20. /Кабар/. Казакстанда коронавирус жуктургандардын 94 пайызы айыкты. Бул тууралуу өлкөнүн премьер-министри Аскар Мамин билдиргенин ТАСС агенттиги жазып чыкты.
Мамин жеке коргонуу каражаттарынын жана дары-дармектердин запасы түзүлгөнүн айтты.
"Август айынан бери вирустук инфекцияны амбулатордук негизде дарылоо үчүн акысыз дары-дармектер берилди. Аймактарда 12 инфекциялык оорукана курулуп, эки оорукана оңдолууда", - дейт ал.
Коронавирустун жайылышына байланыштуу өзгөчө абал режими Казакстанда 16-марттан 11-майга чейин күчүндө болгон. 5-июлда өлкөнүн бийлиги эпидемиялык абалдын начарлашына байланыштуу бир катар кошумча чектөөлөрдү кайрадан киргизген. Учурда Казакстанда коронавируска 106 миң 498 адам чалдыкты. Алардын 100 миң 42си айыгып, 1 миң 646 адам көз жумган.
Пикир
Оставить комментарий