Бишкек, 01.04.21. /Кабар/. Кечээ, 31-мартта Кыргызстандын түштүгүндө эки жер титирөө катталды. Бул тууралуу Сейсмология институтуна таянып ӨКМ билдирди.
Маалыматка ылайык, 31-мартта саат 12:11де Ош облусунун аймагында очогунда күчү 3 баллга жеткен жер титирөө катталган.
Жер титирөө Кара-Кулжа районунун Сары-Булак, Тогуз-Булак, Сары-Күңгөй айылдарында жана Алай районунун Кара-Жыгач, Кең-Жылга айылдарында күчү 2,5 баллга чейин сезилген.
Ошол эле күнү саат 22:25те Кыргызстан жана Өзбекстандын чектешкен аймагында очогунда күчү 3,5 баллга жеткен жер титирөө катталган.
Жер титирөө Баткен облусунун Кадамжай районунун Өтүкчү жана Бөжөй айылдарында күчү 3 баллга чейин, Кызыл-Коргон, Советский айылдарында күчү 2,5 баллга чейин сезилген.
Жер титирөөдөн жабыркагандар жана кыйроолор катталган жок.
Пикир
Оставить комментарий